Alt for Norge

Forrige veke var eg på La Manga saman med J19-landslaget der vi førebudde oss til andre runde EM-kvalifisering i Østerrike seint i april. Vi spelte tre kampar i Spania: mot USA (2-3 tap), Skottland (4-0 siger) og Italia (4-4). Vi har ting å rette på, men ikkje store saker. Eg må innrømme at eg var meir optimistisk etter desse tre kampane og det stinkar EM-suksess lang lei om vi får spele med tilnærma toppa lag. EM går i Kviterussland i juli og eg blir mest sannsynleg borte under bursdagen i sommar. EM-gull er på ønskelista! Lukkast vi med det har eg bestemt meg for å ta ein Riise å henge medalja i bilspeilet. Han hadde Ferrari medan eg heng den i "lisjemazdaen" - ein Mazda 323 85-modell :)

Tida vil vise. Men til då så kan eg berre nemne at det er utrulig stort å skulle ut i landskamp og synge "Ja, vi elsker" - det anbefalast!

Rafa's onde sirkel

Liverpoolmanager Rafa Benitez feira igår ein ny triumf i Champions League då han leia The Mighty Reds til 1-0 seier borte mot moderklubben Real Madrid. Ein opptur han trengte etter ein "rocky" start på 2009. Benitez er hovmesteren for slike stunder då journalistar her og der dreg fram "the master tactitian" superlative sine. Elles er det ikkje mykje å hente for Rafa der i garden i det engelske avisfolk dreg ein negativ spinn på det meste. Det heng igjen enno at Rafa "roterer" for mykje på laget. Sjølv om det har blitt bevist at konkurrerande managerar byttar like mykje som han til tider gjer. Men her er kjernen i problematikken: Rafa roterer på laget, mens til dømes Ferguson berre byttar på laget. Kva er forskjellen? To openberre ting; det eine er at Ferguson har hatt (og kanskje har) ein betre stall og laget dermed ikkje blir så svekka. Det andre er sjølvsagt ei oppfølging av det første poenget, resultat i kampane det er bytta/rotert er i klar fordel Ferguson. Eit tredje poeng er også status. Gjennom ei lang karriere i PL har Ferguson meir å gå på, både i forhold til journalistar og andre ting med fotballen (dommarar og domspanel til dømes).

Rafa er ingen mediedarling - hadde han kunne hadde han ikkje teke del på pressekonferanser. Han trivst best på feltet saman med spelarane og er den manageren i PL som tek mest aktivt del i treningsarbeidet. Andre trivst best i rampelyset. Ferguson er godt trent mester som kan å bruke media til egen fordel. Berre spør Kevin Keegan! Då Mourinho var i Chelsea var han elska av media for openberre grunnar. Pressekonferansene var eit show - ein visste ikkje kva han kom til å seie, men ein visste det vart underhaldande. Når Rafa "trøkker" til har han med jukselapp...

God sesong?
Liverpool er i skrivande stund i ferd med å resignere i kampen om PL-tittelen, og sesongen ser ikkje ut til å bli så tett som enkelte spådde tidlegare. Liverpool er derimot nærare enn på lenge, medan Chelsea tapte kampen reelt sett etter jul og Arsenal lenge før det. Derfor er det vel ein god sesong? Nei, ikkje for dei som har venta på PL-mesterskapet i årevis og ikkje evnar å sjå bak resultat og heilskapssituasjon i klubben. Husk: Liverpool har kjempa om førsteplassen førsteplassen lenger ut i sesongen enn på lenge trass i ustabilt eigerforhold, splid i den daglege leiinga, Torres ute halve sesongen så longt, Gerrard ute i små perioder, usikkerheit om Rafa blir med vidare. Faste spelarar med kontrakter som nærmar seg berre eit år igjen på avtalen. Skal ein konkurrere treng ein at ein klubb spelar på lag, dreg i same retning og jobbar i lag! Det har ikkje vore realiteten i Liverpool Football Club sesongen 2008/09! Trass i dette må ein seie det har vore forbetring i Premier League plasseringsmessig i alle fall. Eg synes det er brukbart med tanke på all uroa som er og har vore. Hadde ting fungert slik det skal i LFC, "the Liverpool Way", er eg sikker på vi hadde leia tabellen komfortabelt. Men slik er det ikkje, vi får sjå etterkvart, ta ein kamp av gangen, telle opp til slutt.. Du veit alle frasene..

Status
Liverpool har eigarar uten evne til å gi det dei skal til ein klubb med mesterskapsambisjonar. Der er splid og ueinigheiter som ikkje gir stabilitet og arbeidsro. Leiinga og administrasjonen i klubben er prega av dette då eksempelvis adm.dir Rick Parry er "på lag" med Gillett. Medan Ian Ayre, ein annen topp i klubbleiinga er Hicks sin mann. Dette har konkret gjeve seg utslag i mykje rot, mest profilert før sesongen var overgongssagaen med Gareth Barry og kjøpet av Robbie Keane. No nylig har det vore mest fokus på Rafa og ny kontrakt, der det har vore munnleg einingheit om innhald får så å vere endra ordlyd når kontraktsforslaga har kome på bordet. Så har vi spelarkontrakter med Agger, Kuyt og Arbeloa som til sommaren har berre eit år igjen av avtalane sine. Sjølvsagt er det Agger grunna lite speletid som det har vore mest lyd om!

Keane og Barry
Her skal eg gi litt bakgrunnsbilde av kva som skjedde. Når Rafa no har vore i samtalar med ny kontrakt har det viktigaste kampen dreia seg om full kontroll over transfers og overgong på spelarar. Rafa har ikkje hatt full kontroll her! Vi huskar kanskje den einaste pressekonferansa Rafa har troppa opp i treningsdress? Han hadde fått beskjed av eigarane om at adm.dir. Rick Parry hadde hand om overgongar og han sjølv skulle konsentrere seg om å trene laget. Det var svara han gav til alle spørsmål journalistane denne dagen "I focus on coaching my players and training my team"...
Sommaren 2008 hadde Liverpool 2 hovedmål på overgongsmarkedet - 1: Aston Villa sin kaptein Gareth Barry og 2: Tottenhamkaptein Robbie Keane.
Gareth Barry var det viktigaste målet og Rafa sjølv leia dialogen etterkvart (Vi huskar kanskje Martin O'Neill sin frustrasjon over Liverpool sine lekasjer i media om interessa? Kvar kom lekasja frå: Rick Parry). Etter ein heil sommar fram og tilbake enda det med at eigarane ikkje ville godkjenne overgongssummen på £18M pga 27-årige Barry var etablert/"gamal" og at der var små muligheiter for vidaresal. Kvifor selge? Ein må no forvente at eit kjøp slår til og då er salg helst å unngå!?
Rick Parry jobba med ANDREVALET Robbie Keane og salget gjekk gjennom for rundt £19-20M inklusive alle mulig tillegg. Robbie Keane var 28 år sommaren 2008. Eit år eldre enn Gareth Barry, 2-3 millionar pund dyrare...
Ein frustrert Rafa starta sesongen etter dette prestisjetapet i overgongssaker, men alt i alt er det manageren som tek ut laget og ikkje den administrerande direktøren. Robbie Keane kan altså på mange måtar betraktast som berre ein brikke i spelet. Synd når han endeleg kom til klubben han heia på som ung gut...

Derfor vil, skal og bør ein manager han full kontroll på overgongar og budsjett i slike saker. Trur du Ferguson bestemmer i ManU og Wenger i Arsenal? Sjølvsagt gjer dei det! Det skal vere manageren som formar eit lag og stakar ut den sportslege kursen. Derfor skal han ha full kontroll på den som influerer det sporstlege i ein klubb. Derfor vil Rafa ha dette skriftleg i si nye kontrakt. Derfor er det mykje fram og tilbake i denne saka. Håper Rafa får viljen sin å bygger Liverpool vidare!

Godt nytt år!!!

Nytt år og nye muligheiter, heitest det. Tida for nyttårsforsett eller -fortsett som eg sa ifjor :)

Nytta i allefall muligheitene for eit comeback som bloggar - og det er fotball som har inspirert meg! Hødd hadde eit fantastisk juniorlag i fjor og ser ut som det blir eit godt lag også i 2009. Klubben tørr endeleg satse på å hente dei beste spelarane i distriktet som "alle" andre "toppklubbar" i landet gjer og det ser ut som her er minst like gode spelarar som i andre delar av landet. Under Color Line cup i Ålesund hospiterer Daniel Jøsok Kvalsvik frå Bergsøy og Ørjan Engen Grimstad, Ruben-Kenneth Brandal og Christian Mork frå Hareid. Og desse ser ut til å bli Høddspelarar denne sesongen og dermed har Hødd igjen eit kanonlag på juniorsida. No kjem Hødd stort sett kun til å toppe laget under NM (om dei kvalifiserer seg) og muligens under kampane mot AaFK, om ikkje anna for å setje skapet på plass som vanleg! Skal ein døme etter spelet dei første to kampane under CLC, så må det blir ein god sesong og cupeventyr denne sesongen også. Mellom anna Branntrenarane hevdar det er eit lag som har imponert i turneringa: Hødd. Well, no kan dette vere "mind games" sidan Hødd møter akkurat Brann imorgon, men uansett kjekt å høyre.

Igår spelte dei 0-0 mot Vålerenga med 4 landslagsspelarar og det var kjekt å sjå misnøgde Høddgutar etter uavgjort mot eit av landets beste juniorlag. Og rett skal vere rett, Oslogutane vart feia av bana av våre Blåe heltar. Eg håper landslaga er representerte i Ålesund under turneringa og er der det - eller uansett, så prøver eg meg som spåmann: 4 Høddspelarar kan bli landslagsaktuelle om dei klarer å setje sitt preg på morgondagens kamp som dei to foregåande. Midtstopparduoen Anders Gaustad (fødd 1991) og Ørjan Engen Grimstad (f. 1990), indreløparen Eirik Heltne (f. 1992) og venstrevingen Thomas Aure (f. 1991) som har vore Hødd sin beste spelar sett over to kampar.
Men det er lettast å køyre rundt på Austlandet å sjå kampar og spelarar, der er nok fleire å ta av også - men alle dei beste? Neppe!

Nei, det gror godt i Høddleiren og håper A-laget kan kjempe om opprykk. For dei Høddsupporterane som klarer å vere noko nyanserte, tenkje langsiktig og sjå og nyte Høddtalenta i kamp blir det ein flott sesong!

Lukke til!

EN ODE BLÅ - HER ER DET HØDDAR Å SJÅ

Ulrik, Heltne, Stavseng and Veris
Værnes, Klock, Nando and Lie
Tougher than Rambo and Bruce Lee

Joa Magnussen, nr. 18
han er sjølve scoringskatten

Erik Sandal med longe skudd
meir presis enn Robin Hood

Nokre slår longpasningar og missa
han Oddi legg dei på lissa

Holand ynskjer å vere hard
men er ein ekte moviestar

Rogvi han blir aldri voksen
men ingen er farlegare enn han i boksen

Anders fintar backar i pølsebu
er Sørgård raskare enn Lynet tru?

Eivind Myklebust, teknikaren vår
han har lagets høgste hår

Hoseth tøyer og han strekker
sportsdrikkens meisermekker

Vemund han er brekkstanga vår
han har biceps som andre har lår

Duracell-Kjetil spring og spring og spring
8-talstestar gjer han ingenting

Ørjan, Vebjørn, Øystein - målet vårt vaktar
score på dei er det ingen som maktar

Helge er spelaren frå Smøla
sit på plassen ved garderobedøra

Vågen Tom er skræmar - sjef over skilt
songane hass gjer det svært så gilt

John Vik er matrialforvaltar
dei gongane han ikkje til pøbben traltar

Bondeknølar og byramp
for Hødd kjempar dei kvar ein kamp
gjennom sigrar og uavgjort
sesongen går svært så fort

Champagne brusar i glas og i kopp
i oktober når Hødd har rykka opp
Lukkast vi ikkje, så går det alternativt
neste sesong tek vi det suksesivt

For Sture den Lure og hans hær
er inga utfordring altfor svær!

Blogg Light

Lite blogging siste tretti døgn, med utsikt for fortsatt lite blogging komande tretti døgn. Uttrykt for enkelte utsagn seinare ut i månanden. Men ikkje for kraftig utblåsingar i feil retning.

Det var været. Highligts sida sist har vore:

- Chiletur med U20-landslaget. Viktig læring for meg og laget.
- Treningsopphaldet i La Manga etter påske. Finpuss for seriestarten.
- Premiereseier mot Sparta igår.

We'll meet again don't know when, don't know when. But I'll know we'll meet again some sunny day!

Godt år?!

Vi skriv februar og januar gjekk uten eit einaste innlegg i bloggen frå meg. Ein kan altså slå fast at blogging ikkje var på lista over nyårsforsett frå mi side. Elles kan det vere han som meiner det heiter "nyttårsfortsett", fordi ein berre fortset med greiene slik det var...

Norah, Caroline og eg har kome oss i hus i Nesevegen 3 på Saunes, "Remabygget" sam eg plar kalle det når eg skal forklare til folk kvar eg bor. Er vel ikkje umogleg at det kan bli heitande det på folkemunne frametter... Vi trivst godt, men vi har vore så stressa med flytting, skule og jobb at vi har ikkje fått roa oss ned og tenkt på korleis vi har det her enno! Men det kjem vel, elles er det noko uferdig her - det er ein anleggsplass og blir det nok ei stund enno. Eg veit ikkje kva tid vi skal by folk på besøk, men det kjem nok.

Vi er godt igong med treningane på Hødd. Kvaliteten har vore god, så vi er brukbart i rute. Stallen treng å bli komplimert med 2-3 spelarar og det blir det jobba med. Prøvespelarar har vore innom, men vi skreiv ikkje kontrakt med nokon av dei. Per no er det mest ein midtstoppar vi arbeider med. Landslagskapteinenen til Færøyane, Frodi Benjaminsen var val val nummer 1 og vi har lagt inn 2 bod på han som vart avslått av klubben hans HB. Ifølge Rógvi var han særs skuffa over at dette ikkje vart noko av. No håper vi mest på Jonas Johansen, som ønskjer seg vekk frå Haugesund grunna lite speletid der på slutten av forrige sesong. Han er ein ung og talentfull stoppar som også veit kvar målet står. Tromsøguten var aktuell for gresk fotball, men ingenting kom i stand der før det internasjonale overgongsvinduet stengte natt til idag. No står det mellom oss og ein annan Adeccoklubb, etter slik eg har skjøna det.

Tremenningen til Rógvi, Kristoffur Jacobsen er også på veg. Forhåpentlegvis kjem han på treningsopphald allereie neste veke, men ingenting er avgjort enno her. Vi håper dette skal løyse seg i løpet av helga, og både vi og klubben hans KÍ Klaksvik ønskjer å få til dette. Kristoffur er ein offensiv spelar som kan spele over heile midtbaneleddet og sist haust vart han kåra til banens beste då Færøyane U21 tapte 1-0 mot Italia. Det skulle borge for at dette er ein lovande spelar og i tillegg har Lars Petter snakka varmt om han sidan han såg han i kamp sist sommar.

Dette er dei to spelarane som er mest aktuelle og kan styrkje laget. Ingenting er klart, men vi håper dette kan løyse seg rimelig kjapt og at vi ikkje minst får napp. I tillegg har Kristoffer Tollås blitt nemnt siste dagane...

Ei god jul!!

Juletida nærmar seg etter ei adventstid der the Winter wonderland har latt vente på seg. Dei som kjenne meg veit at desse siste dagane reint vermessig er bortimot det perfekt juleveret for min del.

Eg kan no melde at julegåvene er innkjøpte og eg er ferdige med alle tidleg. Deilig! Dette året har eg gjeve etter for presset, så onkelungar over 20 år får ikkje julegåver i år. Same kor snille dokke er! :)

Rógvi Jacobsen!!! Julegåva frå Hødd til alle Høddarar i år! Eg kan ikkje skildre kor godt det er få denne overgongen i boks etter alt arbeidet som har blitt gjort siste halvåret. Eg er overtydd om at spelaren kjem til å setje sitt preg på Hødd og Adeccoligaen 2008. Det kriblar i heile kroppen berre med tanken på Rógvi og Joa på topp! Namnet uttalast "Råchve" forresten. Det er tydleg at han ikkje er like oppteken av draktnummer som enkelte andre fotballspelarar sidan han på landslaget spelar med nr. 6 og var nr. 23 på HB Torshavn, medan han i Hødd arvar drakta til Mr. Hødd - André Nevstad. Rógvi Jacobsen, Hødds nye nr. 10! Eg har også høyrt at Blåsarane er i dialog om innkjøp av landslagstrøya til Rógvi, så den kan nok dukke opp i Blåsarbua etterkvart. Det berre må bli ein vinnar!

Vemund Brekke Skard var den første signeringa til Hødd før comebacksesongen i Adecco. Han er ein defensiv midtbanemann med god erfaring trass i ung alder. Med han på plass skjerpar det konkurransen i laget og vi reknar med fleire spelarar vil heve seg. Han blir ein viktig mann for Hødd i 2008.

Hødd har også forhåpentlegvis styrka seg på trenarsida. Einar Magne Skeide og Lars Arne Nilsen (tidlegare trent både Volda og Ørsta) vil vere ansvarlege for rekruttgruppa og lede 3. divisjons- og juniorlaget i 2008. Same dag som Rogvi signerte for klubben, så signerte også Lars Petter og eg nye avtalar med Hødd. Tilfeldigvis... :) Vi skal begge gå inn i 50% stillingar når det nye året og den nye sesongen tek til. Våre avtalar går ikke berre på jobb rundt A-laget, men vi skal også engasjere oss på alderbestemt nivå i klubben, vere med på kretslagsaktivitet klubben har ansvaret for og ikkje minst skal vi vere aktive ut mot nabo- og samarbeidsklubbane. Dette er noko vi begge ser fram til med spaning. Vi gler oss!
Ein kunne lese i Sumpen siste veke at Kim Deinoff vart vraka av Hødd. Etter mitt syn er det noko dramatisk å kalle det vraka ettersom Kim si kontrakt no var ute, og ønska ei betydeleg betre kontrakt slik eg har skjøna det. Men det Hødd gjer er å satse på sine egne unge lovande talent. Hødd skal vere ein klubb som avlar dei fleste av sine A-spelarar sjølve. Og keeperane våre er mellom absolutt dei mest lovande spelarar med fleire aldersbestemte landskampar. Om ikkje dei yngre spelarane med landskampar er vurderte slik at dei skal satsast på, kva då med dei uten kampar på Norge aldersbestemt?! Det blir spanande å sjå utviklinga utover sesongen og med meir erfaring vil desse to karane ta nye steg. Dei har mange gode og spanande ferdigheiter, men treng no å samle seg meir erfaring på godt nivå. Eg har i løpet av siste tida fått fleire sms'ar frå folk som støtter valet vi har gjort, så eg takkar for dei. Elles håpar eg også at Blåsar-leiaren tek poenget og heilskapen etterkvart når den første skuffelsen har lagt seg der i garden! For øvrig må Hødd som klubb forvalte sine midlar godt og søkje å dekke behovet ein har så godt som råd. Vi er ikkje Real Madrid, Rosenborg eller Ålesund i så måte. Men det er vel supporterane sine rettar og ønske seg spelarar i den hylla dei vel til ei kvar tid uten å måtte tenkje kostnandar, kvalitet, kort- eller langsiktigheit kanskje?

Høyrde eg Brann og Håkon Opdal ein eller anna stad?

Caroline og eg hadde håpa å flytte inn i nye leiligheita før jul. No ser det ut til vi taper den kampen og at det blir rett over på nyåret i staden. Det står vi av, får no så gledar vi oss berre til julefeiring saman med Norah, familie, gode vennar og andre. Og fredag er det engelsk julemiddag hos Neil! :)