Utviklinga i Hødd, med skråblikk til den Nationale Scene

I 1995 var Hødd ein kamp frå å halde seg i eliteserien. Klubben kan sikkert takke mest seg sjølv for nedrykket då ein ikkje fekk nok poeng til å halde seg, men vi "skuldar" på RBK som tapte mot Kongsvinger! :)

Slik eg har skjøna det vart satsinga då ei kostbar affære for klubben, som ein måtte bruke dei påfølgjande sesongane for å reparere. "Aldri meir" vart det sagt i ettertid og klubben sette tæring etter næring. Kanskje Hødd vart ein leiande klubb i denne målestokken sidan vi no for tida berre ventar på den første toppklubben skal bukke under med raude tal i budsjettet og med ei sportsleg måloppnåing som ein ikkje har lukkast med.

Hødd har i alle tilfelle innsett at ein (saman med naboklubbane) må dyrke fram spelarane sine sjølve og satse mindre på spelarar utanfrå (kvar no det er hen). Resultatet er per nu at vi spelar i 2. divisjon, med ein stall med fleire spanande spelarar. Av 87-generasjonen er Joachim Magnussen og Eivind Michael Myklebust kanskje dei som er mest spanande og som det er knytta mest forventningar til av folk som følger med klubben. Dette er offensive spelarar som uten tvil er spanande, og etter mitt syn kan ikkje toppnivået deira vere langt unna landslagsnivå. Dei må berre få ei god matching og stabilsere seg opp mot sitt toppnivå så godt som råd og sjølvsagt få halde seg skadefrie over tid. Dette kan ta tid! Det er ingen som har fasiten på når sånne ting blomstrar. Hadde ein hatt det, hadde ein verkeleg funne gullåra! Sidan Hødd no tok steget ned ein divisjon, vekk frå Adecco der jaget mellom opprykk og nedrykk er så vannvittig og skillet så lite at det blir vanskeleg å sleppe til framtida i klubbane å gi dei matching over tid, var håpet at dette kunne vere tidspunktet for våre unge framadstormande menn. Næringslivet har slutta opp om klubben og gjeve oss fridom til å kunne tenkje langsiktig. Vi i Hødd har starta sesongen ikkje etter eigne forventningar, og heller ikkje etter forventningane til dei som fyl oss tettast. Vi har sagt at vi vil kjempe om opprykk, men vi er i ein tøff divisjon med andre lag som også tek sikte på å vinne denne kampen. Sture har sagt han meiner avdeling 2 er den tøffaste 2. divisjonsavdelinga. Uansett skal status gjerast opp først utpå hausten ein gong, og forhåpentlegvis har Hødd då rykka opp. Som nemnt har vi ikkje starta på beste måte, og der er heilt klart nokre knappar vi må trykke på for å finne den gode kursen.

Eit visst forventningspress må vi kunne forvente, men at folk må også skjøne kva som må til. Hødd må finne forma og ein av dei mange faktorane trur eg er mellom anna å sleppe eit unødig press for spelarane og spesielt dei unge. God rutine og erfaring har fleire av spelarane vore, men samstundes er det mange unge som skal skaffe seg dette gjennom spel, opplevingar og læring denne sesongen. Derfor meiner eg at det er viktig at folk opp i skuffelsen med ein sesongstart under pari, held fram med å støtte laget - unge som eldre og dermed hjelper oss med å kunne tenkje langsiktig, bygge ein god supporterkultur og kunne drive god spelarutvikling for eldre som dei unge. Spelarane ønskjer så gjerne å lukkast saman med oss trenarane, men eg trur dei kan bli prega av forventningar og kan leggje band på seg og dermed auke terskelen for ikkje å lukkast. La dette jaget ikkje bli ein ond sirkel! Eg er overbevist om at dersom spelarane blir støtta til å prøve igjen og igjen, få lov å feile og auke sjansen til å lukkast vil dei utvikle seg raskare. Vi trenarane er guidar som skal hjelpe dei fram i dette landsskapet etter beste evne. Og vi i Hødd har fått Sture Fladmark, årets trenar i Tippeligaen for nokre år sidan. Er ikkje det ei bedrift!? Hjelp oss på trening og i kamp, vi skal ha det gøy på Høddkamp. Har vi det gøy på tribuna og på bana blir resultatet bra, garantert!

Joachim Magnussen, Eivind Michael Myklebust, Vebjørn Skeide, Jon Erik Ertesvåg, Andreas Kurseth, Andreas Rekdal, Patrick Undli, Kjetil Paulsen, Ørjan Nyland er mellom anna unge Høddarar av idag som kan bli spelarar, som kan utvikle seg til å bli spelarar på ei større scene enn Høddvoll! Men vi trenarar, støtteapparat, foreldre, skule, næringsliv, Blåsarar og andre supporterar er faktorar som må hjelpe desse (og dei andre) her og no! Nokre vil slå til i 2010, nokon kanskje ikkje i dei heile eller andre kanskje allereie i år. Kva er kriteriane for at dette skal skje og kva for ein liten eller stor ting kan du bidra med?!?