Vegen vidare?

Det nærmar seg sesongslutt og eg grugleder meg til det. Det skal verte kjekt med ein liten pust i bakken og betre tid saman med jentene mine. Men samstundes er fotball noko av det artigaste eg veit og eg kjem til å sakne å gå på treningane. Men ein ny sesong kjem raskt...

Med sesongslutt kjem også etterkvart spekulasjonane om ny spelarar hit og dit. Eg skal ikkje skrive noko om om kva spelarar som hadde vore kjekke å ha i ein Hødd første 11'ar sesongen 2008. Men heller om alternativ unge spelarar har. Her på Sunnmøre har ein to alternativ om ein vil satse på fotballen, Hødd eller åfk. Dei oransje har siste sesongane stadig auka innslaga av utenlandske spelarar og dei norske unge spelarane som har forsøkt seg har etterkvart hamna i Hødd. Gjørtz, Tollås, Lie, Pedersen med fleire har bytta ut den oransje med den fine blåe Høddtrøya og spelt sin beste fotball på Høddvoll. Dei har nytt tillit og fått speletid.

Åfk har meir pengar enn Hødd, mykje meir. Dei kan dermed lokke til seg unge som trur dei skal klare å bryte gjennom nålauget og bli den som klarer det dei ferraste har klart og spele seg inn på A-laget på CLS. Det er ungdommens privilegium å vere naiv. Og i tillegg er glam-faktoren større på CLS enn på Høddvoll med tett oppfølging av den lokale storavisa Sumpen og moglege landskampar som lokkar i det fjerne.

Ære vere den som vil forsøke, men eg vil hevde vegen til toppfotballen er kortare på Høddvoll enn på CLS. Hødd har ikkje midlar til å hente dei store namna og må i stor grad utvikle eigen spelarar. Når tida er inne får spelarane også flytte på seg til Tippeliga og siste åra har Moldskredane Morten og Lars Ivar saman med Ørsal og Magnus Myklebust flytta til tippeligafotball andre stadar i landet. LSK-legenda Arild Sundgot er også framleis still going strong og spelar for "fugla".

Reknestykket er enkelt. Er du ung og lovande fotballspelar på Sunnmøre eller omegn, og ønskjer å satse på idretten din bør valet vere enkelt. Kom til Hødd og gjer du jobben vil du få sjansen. Årets gjennombrotsmann Joachim Magnussen som miste siste del av sesongen med skadar er dømet på dette. Han vil nok kanskje vere neste mann ut som tek steget til Tippeligaen.

Men kom tidsnok. Den lokale 3. divisjon er ikkje så god som dekninga i Sumpen tilseier, men sjølv ein lokal ung spelar mest sannsynleg må tilbringe ein sesong eller to som fortsatt 3. divisjonspelar skal ein ikkje gråte for mykje. Treningsarenaen er også god i Hødd og gjer du jobben så får du som fortjent innhopp også med førstelaget. Eller er du ein Magnus Myklebust som kan gå rett frå lokale lavare divisjonar og rett i første 11'aren på Høddvoll?

Vi gler oss til det neste talentet som slår til! Det er mange som kan vere "den neste", men gjer du dei rette tinga? I klubbval, på treningsfeltet og i kampar?