Odim Stadion?

Hødd la tidlegare denne veka fram planar om ny stadion. Ein spenstig og utfordrande utvikling for ein liten, men stor klubb med små midlar. Eg har vore med å fått ei kort innføring på utsjånad og sett litt fleire bilder enn dei som har sirkulert i media. Der kan vi sjå at det er ope rom mellom langsidene og tribune på eine kortsida, desse hola skal midlertid tettast. Så det blir ein intim og flott stadion uten stolpar som sperrar for utsikta mot bana.

Kapasiteten på 5000 med muligheiter for utviding med ytterlegare 1000 høyrest også fornuftig ut. Det er viktig å vere jordnær nok til å sjå kor mykje av kapasiteten som blir nytta under kampane i den "sorte, grå hverdagen". Elles blir det spanande å sjå kvar dagens fraksjonar på Høddvoll vil gjere av seg på ein ny stadion. Blåsarane finn seg nok til rette, men kva med ekspertane på sitjetribuna...

Kva veg blir heimatt på nye bana blir også noko som må sette seg.

Høddvoll har siste sesongane vore velsigna med ei av dei beste naturgrasbanene i landet. Vil dette bli vidareført? Ei av årsakenetil at den har vore den beste bana, er styringa av aktiviteten på bana. Den har kun vore nytta til A-kampar og nokre få treningar i store trekk. Samstundes ser ein at der er ei rivande utvikling mht kunstgrasdekke, og kvar er vi her om ytterlegare 2 år? Er skilnaden mellom vanleg gras og kunstgras blitt enno mindre?
Dersom kunstgras som dekke blir valgt, så er det underforstått at fleire lag kan nytte bana til kamp og kanskje også trening. Samstundes kjem det nye generasjonar til som er meir vane med kunstgras enn naturgras. Dermed blir ikkje overgongen den same og like vanskeleg. Ein ting er sikkert, det er enno langt fram til dekke må bestemmast.

Stadionnamn - det har kome tydelege signal på at namnet skal seljast. Det rasar også ein debatt om dette på diskusjonsforumet på hodd.no. Det er klart at det er mange som kan knive om dette. Men som oversrkrifta tyder på, så er kanskje Odim min favoritt per no. Dei har vore ivrigast på å vere på lag i fleire samanhengar, men også dette lar nok vente på seg ei stund til. Rolls-Royce Arena er i allefall berre å gløyme. Hovudkontoret deira vil aldri gå inn for å nytte merkenamnet i ein slik samanheng. Då RR var draktsponsor for Hødd for nokre sesongar sidan, så skapte dette nok rabalder for dei nede på lokalkontoret. Så eg trur ikkje dei kastar seg på i kampen om stadionnamn.

Meiningane går også på om det skal heite stadion eller arena. Med UVS som nabo og kven veit kva leigetakarar som også kjem inn og kva samla kompetanse som blir samla på Høddvoll. Det liknar då meir på eit "Campus"! Dei alle fleste vil nok kalle ei spade for ei spade, eller i denne samanhengen Høddvoll for Høddvoll. Lurer på kva Arne Flatin, som aldri tek Aker Stadion i sin munn, planlegg ved kommentering frå Odim Campus?

Siste arbeidsveka denne sesongen

Vi trenar ut neste veke, veke 48. Deretter har spelarane desember månad fri og må skjøtte seg sjølv og forma på beste måte. Når vi skriv januar 2008 er det blodig alvor!
For at vi skal ha ein status så blir alle spelarane testa på løpskapasitet før dei dreg på ein månads fri. Vi nyttar 8-talstesten eller Tom Nordlie-testen, som andre kallar han. Eg veit ikkje om han er opphavsmannen eller ei, men...

Halve stallen har teke testen allereie, medan resten skal til pers på dagens trening. Vi kan vel konkludere med at det ikkje såg ille ut med forrige pulje, så for vi sjå om dagens dreg snittet opp eller ned. Måndag skal også gjengen testast på 40 meter. Andreas Sørgård Olsen, Andreas Sørgård Olsen, Andreas Sørgård Olsen...

Det nærmar seg også med å få støtteapparatet på plass. Lars Petter er meir eller mindre einig med klubben om ny avtale, der kun formalia gjenstår. For min eigen del har eg hatt møte nr. 2 med André og Harald, og dette ser positivt ut. Håper dette lar seg ordne. Eg ventar også på avtale nr. 2: Eg har hatt inneleiiande samtalar med Jarl Torske om jobb inn mot eit landslag. Det ser ut til at dette no blir J20-landslaget og eg ventar no på at ein del info og avtaleutkast skal kome i posten. Dette landslaget skal vere med på ein del spanandes tiltak i 2008 mellom anna spel i ei 4-nasjonersturnering i Chile i februar. Her spelar vi mot vertsnasjonen, USA og mest sannsynelg New Zealand. Til sommaren blir det ein kamp mot Tyskland, mykje kampar mot zhe Germanzz på jentesida. Høgdepunktet for laget vil nok bli VM i november 2008. Dette meisterskapet er eg derimot usikker på om eg skal vere med på.

Ellers; ny stadion. Fantastisk! Det skjer ting, folkens! Meir om det seinare...

Inne-KM i Herøyhallen

I etterkant av tapet mot L/G igår vart eg som lagleiar for Hødd utsett for rimelig hard kritikk på Hødd sine vegne. Årsaka var "arrogansen" vi viste med å stille eit "dårleg" lag og ikkje sjå verdien av å promotere oss sjølve i nærmiljøet. Det siste er eit okay argument det, men vi trenarane er redde for skader i slike turneringar. Sjølv om det som regel går bra, ser det dumt ut når uhellet er ute og ein spelar til dømes mister 2 månader med oppkøyring. Her kjem lista over kvifor enkelte ikkje var med.

1. Ørjan Nyland - strekkskade på treninga fredag.
2. Kjetil Paulsen - var med.
3. Oddbjørn Lie - hadde fått fri pga planlagde ting på privaten for lenge sidan.
4. Sindre Eid - Landskamp i Oslo i samband med jobben.
5. Fredrik Klock - spelar med oppbygd sko, har ikkje innetype av slike. Skal også opererast.
6. Paolo dos Santos - på ferie.
7. Erik Sandal - nettopp tilbake frå skade.
8. Helge Edinsen - skade i lår.
9. Oddmund Vaagsholm - lagt opp, og sjå 4.
10. Andre Nevstad - på ferie.
11. Thomas Pedersen - skadd.
12. Kim Deinoff - pappapermisjon.
13. Mads A. Værnes - skada.
14. Anders Vaagen - småskada, tåler ikkje belastning av hardt dekke.
15. Jon Erik Ertesvåg - vekke på helgetur.
16. Andreas Sørgård Olsen - kunne blitt med, men vi prioriterte juniortrening til Inne-KM for jr.
17. Eivind M. Myklebust - skulle vere med, men vart sjuk. Spelte likevel mot L/G! Bra mann!
18. Joa Magnussen - akkurat byrja litt lett trening med ball.
19. Patrick Undli - var med.
20. Vegard Holand - har vore sjuk og skada lenge.
21. Finn Erik Stavseng - sjå 3.
22. Eirik Hoseth - skada.
23. Vebjørn Skeide - i samråd vart vi eininge om at han ikkje skulle risikere noko grunna den alvorlege bandskada han fekk sist vinter. I tillegg hadde han føling med denne skada tidlegare i veka.

Nokre kunne blitt med, men alt i alt vart vi einige om at vi skulle ta dette som ei trening for juniorane til seinare Inne-KM. Eivind Michael fekk "krangla seg" med sidan han er førsteårssenior. Han var sjuk, men stilte opp ut på dagen likevel. Lojalt gjort å ville prøve, Eivind!

Sterkaste kritikaren var forøvrig ein herverande redaktør og lokal fotballegende, som også fekk lufta sine øvrige minus Hødd har på lista hans...

No skiljast våre vegar...

"Alt har ein ende og pylsa har to" plar Ingebjørn R. seie. Eg står no ved eit vegskilje, der dei næraste dagane vil vise kva eg skal vie tida mi til dei komande åra. Avtalen min med Hødd går ut og må eventuelt fornyast. Satsinga på fotball på toppnivå tek no so mykje tid og ressursar at det ikkje lenger er mogleg å kombinere med rektoryrket. Eit av desse må altså vike...

Eg har vore i møte med Høddleiinga og har her fått vite at eg er ønska med vidare. Skal eg vere ærleg så ønsker eg sjølv også å satse på fotball. Men som nemnt kan eg ikkje lenger kombinere dette med å vere rektor på Kvalsvik skule og også ha eit sunt familieliv. Familien kjem alltid først, det er det ingen tvil om. Og eg har vore heldig (og kanskje Hødd også) dette året som har fått lov å drive med det eg likar best. Takk, Caroline og Norah!

To scenario framover, der eg kjem til å lande på det eine. Eg sluttar eller trappar kraftig ned med fotballen er det eine. Det andre alternativet er at eg sluttar eller søkjer permisjon frå stillinga som rektor.

Det mest nærliggande er at Hødd syr saman ein pakke som gjer at eg kan fortsette som trenar rundt A-laget eller at ein annan klubb kjem på bana med eit tilbod. Med det eg veit no er andre klubbar mindre aktuelt. Aller helst ønskjer eg å drive med fotball på heiltid (eller tilnærma). Eg har siste åra satsa mykje og ofra så å seie all fritid på å utvikle keeperar og ikkje minst meg sjølv som trenar. Eg har lært mykje av medtrenarar og spelarar eg har jobba med, og meinar sjølv eg har opparbeida meg ei god kompetanse der eg veit kva som må til for å få fram spelarar på høgt nivå. Eg har også (seinast igår) fått vite at eg no blir sterkt vurdert inn mot landslag. Hadde eg fått arbeide i eit trenarteam der, så ser eg på det som ein god arena til for vidareutvikling. Eg håper dette også ordnar seg.

Det kan vere eit tankekors at medan eg i årevis har arbeida for å utvikle meg best mogleg som trenar, så må eg slutte i Hødd medan eg byrjar på eit landslagsengasjement! Men ting kan ordne seg med Hødd eller ein annan klubb, men eg må innrømme at eg per dato ikkje har den beste trua på det.

Eg kjenner eg har lite tolmod på å få orden på desse tinga! Eg ønskjer at ei avklaring kjem snarast råd - det er det beste for sjeleroa mi og også for dei andre partane, der Hødd eller Herøy kommune kan arbeide med å finne ein erstattar. Det vil også vere det beste for meg sjølv, så eg får sortert tankane og byrje fokusere på framtida.

The best midfield in the world

Eg har full forståing for at Rosenborg stel alle overskrifter i norske aviser idag. Dei gjorde ein kjempejobb på Mestalla og faktisk rundspelte Valencia! I allefall etter dei highlights om eg har sett frå kampen. Kjekt for vår 17-årige keeper Ørjan Nyland, som er med Rosenborg denne drøye veka også. Han fekk oppleve dette frå orkesterplass og kan også skryte av å ha trent på Mestalla. Ikkje verst for ein ung volding.. :)

Eg såg ikkje Rosenborg-kampen. Eg har ei krystallklar prioritering; Hødd første og deretter the Mighty Reds of Anfield. Eg valde nok rett! 8-0 i ein Champions League kamp, ja i kva kamp som helst lar seg høyre. Og etter ein trøbblete start så sette dei skapet på plass. Deilig! Men det er litt jobb igjen før vi er der vi skal vere - vi får sjå fram mot jul, og telje opp då (typisk fotballfloskel):

Som Liverpooltilhengar er ein først og fremst supporter. Sjølv om trenarutdanna er det først og fremst kjenslene, entusiasmen for laget og ikkje meir eller mindre djupe analyser. Eg meiner at Liverpoolfans er dei beste i verda, uten tvil. Ingen over. Ingen ved sida!
Det er særskilt synginga og variasjonen i utvalet av songar som er imponerande blanda med eit godt trøkk på "an European night" spesielt. Alle kjenner til YNWA, You'll Never Walk Alone. Heilag hymne for alle raude. Den er også nytta av Celtic og Borussia Dortmund-fans, men faktisk var det Sunderland sine tilhengjar som song den først på 60-talet. Eit lite innspel i framtidige quizzar der.. :)

Andre songar som er kjende og kjære på Anfield er Fields of Anfield Road, ein av mine personelege favorittar. Mange spelarar har eigne songar som er klassiske; Stevie G. har eit 2-3 og Carra har fantastiske We all dream of a team of Carraghers til tonar av Yellow Submarine. Etter bragden i Istanbul har det kome nokre nye, mest kjend er nok We won it 5 times som Brannsupporterane har adoptert til Gullet skal hem i år. Mykje bra.

Ein av dei nye som har slått best an, og også hos meg er We got the best midfield in the world. Og den skal eg leggje med som video her. Du ser ein lang rekka Liverpoolsupporterar på ein bar som syng og dansar gjennom lokalet. Teksten er om lag slik: "oh, oh, oooh.. we got the best midfield in the world. We got Xabi Alonso, Momo Sissoko, Gerrars and Mascheranoooo. Oh, oh, oooh..." osv... Fantastisk! En ny Kop Classic som du kunne høyre gjennom heile kampen igår, eg trur det var den som vart mest sungen.

http://www.youtube.com/watch?v=QBYyKegNWBk

Ronny skal hem

På bloggen igår så kom eg med ei orsaking for at det hadde blitt for mykje fotballrelatert stoff på denne bloggen. Idag skal eg derfor slå til med ei anna sak. Men det blir nok mest fotball framover også!

Skreiv tidlegare om gullet som kom "hem" til Bergen. Etter inspirasjon derfrå skal eg skrive litt om den komande flyttesjauen vår. Vi har sidan sommaren 2006 bodd i Toftestøda. Til glede for nokre få kanskje, men også til irritasjon. Det er fleire Ulsteinvikarar som har sagt at "det e nåke steikje gale med atte du bor uti våjen!". Caroline og eg har kjøpt oss leiligheit heime i hovudstaden, og vi reknar no med at vi flyttar tilbake til Ulsteinvik før jul. Det gler vi oss kjempemykje til!

Vi har gjort alle førebuingar og tinga alt frå bad, innreiingar og fliser. Caroline har vore dagleg leiar og gjort ein kjempejobb! Så det borgar for ei skikkeleg kvalitetssikring. Bein i nasa har ho også, ho har ikkje late Byggherre Lindor sine føringar stoppe henne. Derfor har vi nokre detaljar i vårt husveret som ingen andre i bygget har, trur eg. Godt jobba, kjære!

I veke 48, siste veka i november blir kjøkeninnreiinga montert og det betyr at det byrjar nærme seg. Og det skal bli svært flytte inn til sitt eige, og ikkje minst kome nærare familie (for min del i allefall) og vennar (ja, det gjeld oss begge!). Det var ei lita oppdatering, så får dokke nærmaste vente på info etterkvart. Kanskje det vankar ein invitasjon også, spelekveld og vin. Kjekt!

Ronny skal heim, Ronny skal heeeeeeeeeeeim. Heim til Ulstein, Ronny skal heim. :)

An Unsung Hero

Denne bloggen har blitt ein fotballblogg! Det var egentleg ikkje intensjonen, så eg må orsake det. Til dei som synest det er heilt greit, enjoy it! :)

I fotballsamanheng blir termen "Unsung hero" nytta om spelarar som gjer ein solid jobb uten å stele dei store overskriftene. Dei er lojale og ein skikkeleg lagspelar, samstundes som dei presterer på jamnt høgt nivå. Kvar uttrykket kjem frå veit eg ikkje, kanskje nokon kan opplyse om dette.

Hjå våre raude vennar frå Anfield er det Steve Finnan som oftast får dette "stempelet". Stel aldri overskrifter han heller, men er fast på laget til Benitez og sikkert også mellom supporterar som i tide og utide sett opp sitt lagforslag.

Hjå våre blå vennar frå Høddvoll har vi også ein høgre back som lever opp til denne karakteristikken. Mads-André Værnes har gjort ein kjempesesong og var nominert til årets spelar. Veit i allefall at døtra mi stemde på han! :) All ære til Super-Mads, men kvar har banneret teke vegen? Etterlysing, etterlysning, etterlysning!

Vi har ein unsung hero i trenarapparatet også. Sture får mykje merksemd som hovudtrenar som seg hør og bør. Han har gjort ein kjempejobb i år, og vi som har arbeida tett med han har lært mykje. Sjølv har eg fått ein del "kred" også. Har vore så heldig å få jobbe med gode keeperar. Med spelarar som Kim, Vebjørn, Erika, Ørjan og Øystein har jobben vore enkel. Men takk til alle for skryt og andre vennlege ord.

Trenarapparatet sin Unsung Hero er Lars Petter Rønnestad. Han kom til oss frå Brann, der han arbeida med aldersbestemte lag. Han er ein knakandes kjekk kar, som det har vore supert å arbeide med denne sesongen. Det er ikkje få telefonar Lars og eg har hatt denne sesongen. Heldigvis er han også Chesskunde og eg har Chess Friends, så eg ringer gratis til alle andre Chess-abonnement! Trur eg med handa på hjertet kan seie at dette trenarteamet er det beste eg har vore med i. Eg har vore i fleire gode trenarteam både i Hødd og krets, men årets Høddteam er det beste. Både fagleg, og ikkje minst sosialt. Sture let også vel over samarbeidet, så ein liten suksessfaktor i opprykkssesongen har det vel vore. Sjølv om Lars Petter kjem frå Moltustranda har han vore i utlandet lenge, Bergen er eige land er det ikkje så...
Han kom til oss med nye og andre impulsar og dette har Hødd som klubb nytt godt av. Ikkje berre på bana, men Lars har også gjort slik at vi tenkjer litt annaleis også utanfor bana. Til dømes er han dyktig på dette med statestikkar. Han fører statestikkar og har analyser på fleire delar av spelet vårt. Verken Sture eller eg er vel dei beste på slike ting, for å seie det mildt! Derfor har Luton kome inn med litt andre idear og vinklingar som vi har drege god nytte av. Komplimentere ferdigheiter var det ikkje det Drillo snakka om...
Viktig er det i allefall å ha fleire tilnærmingar på ting. Då har ein fleire bein å stå på, og og ikkje minst kan ein argumentere sterkare i ulike saker.

Færøyane: Det har kome fram at Hødd har blitt interesserte i denne marknaden i ulike samanhengar. Klubben har sjekka ut mellom anna spelarar her. Ingenting konkret har skjedd, men i alle høve kan eg seie at dette er Lars sin baby. Det var han som lanserte idéen og som konsekvens var han saman med Sture over og såg nokre kampar i sommar. Men eg kan avsløre at Lars har også kontakter i andre marknader, men eg spelar berre ut eit kort i slengen så det får vi kome attende til.

I alle høve ville eg vise og konkretisere at Lars ikkje er ein anonym andrefiolin, men også gi døme på at han har fleire strengar å spele på. Eg kan vitne på at Lars har arbeida hardt for klubben denne sesongen i tillegg til 100% jobb ved sidan av, og han har levert varene like a true (unsung) hero!